05

Чэрвень

Топ-5 хрысціянскіх кніг, якія трэба прачытаць гэтым летам

1. "Споведзь" Аўгустына
Жыццёвы шлях найвялікшага святога, які ў дзяцінстве, юнацтве і маладосці ня ведаў Бога. Невялікая кніга, якая складаецца з 13 апавяданняў, напоўненая мудрасцю гэтага незвычайнага чалавека з IV века.

2. "Не проста цясляр" Джоша Макдаўэла
Кніга, напісаная пасля спробы даказаць, што Бога няма. Джош Макдаўэл, будучы няверуючым, прыняў выклік сяброў і паабяццаў навукова даказаць, што Бога не існуе, але чым больш вывучаў гэтую тэмы, тым больш пераконваўся ў адваротным. У выніку выйшла кніга "Не проста цясляр", а яе аўтар прыняў Хрыста і стаў адным з самых вядомых хрысціянскіх пісменнікаў. Кніга невялікая і лёгка чытаецца.

3. "Бог ніколі не міргае" Рэгіны Брэт
Падзагаловак кнігі - 50 урокаў, якія зменяць тваё жыццё. І яна сапраўды змяняе - добрае чытво для таго, каб вырвацца са штодзённасці на 10 хвілін і паглядзець на звычайныя рэчы пад іншым вуглом. "Бог ніколі не міргае" - зборнік невялікіх апавяданняў.

4. "Люблю Беларусь" Паўла Севярынца
З айчыннай літаратуры, пра яе таксама не варта забывацца. "Люблю Беларусь" - 200 феноменаў нацыянальнай ідэі, якія дапамогуць лепш зразумець сябе, а таксама пакліканне, якое даў нашай Радзіме Бог.

5. "Хронікі Нарніі" Льюіса
Дзівосная гісторыя, якая спадабаецца і дзецям, і дарослым. Аўтар зашыфраваў у кнігах Нарніі мноства біблейскіх алюзіяў, якія вельмі цікава раскрываць. А яшчэ гэта добрая кніга для халоднага лета - сагравае сваё казачнасцю і дабрынёй. Цікавостка: кніга адна з самых тыражных у свеце, выйшла накладам 150 міліёнаў.

А якія хрысціянскія кнігі вы любіце?

Рассылка для сваіх

Падпісвайцеся на наш закрыты тэлеграм-канал і атрымлівайце прыемныя бонусы і падарункі, а таксама актуальную інфармацыю пра нашы навінкі ды шмат іншых карыснасцяў.

ІП Севярынец Вольга Францаўна, УНП 691412480. 222395, Мінская вобл., Мядзельскі р-н, к. п. Нарач, вул. Кастрычніцкая 5-5.

Пасведчанне аб дзяржаўнай рэгістрацыі № 691412480 ад 04.12.2017 г., выдадзена Мядзельскім райвыканкамам. Інтэрнэт-крама kroplia.by зарэгістравана ў Гандлёвым рэестры РБ  01.02.2018 г.

Распрацоўка: i@juljan.by