Усе мы родам з дзяцінства. Менавіта адтуль прарастаюць усе нашы захапленні, цікавасці, каштоўнасці. У маленькае сэрца дзіцяці можна пасеяць многае, галоўнае, не забывацца казаць дзецям пра адну важную рэч - любоў да Бацькаўшчыны і роднай мовы.

Настолкі па-беларуску - файны спосаб весела, у сяброўскім ці сямейным коле, вучыцца любіць і шанаваць сваё. На сайце Кроплі можна знайсці гульні, якія падыдуць дзеткам ад 4 да 12 год, але будуць цікавыя і дарослым, ну бо, як вядома, не ўсе дарослыя ў Беларусі ведаюць сваю родную мову.

Мы адмыслова выдзелілі гульні ў пэўныя катэгорыі, каб вам было прасцей у іх арыентавацца.

1. Гульні для навучання чытанню, якія дазволяць зрабіць працэс навучання чытанню лёгкім і забаўляльным: «Жывыя літары» (4+), «Пакармі Моркаўку» (4+), «Пары па-беларуску» (5+).

2. Граматычныя гульні, якія пазнаёмяць з гукамі і літарамі, іх адрозненнем у беларускай і рускай мовах, дапамогуць пашырыць слоўнікавы запас, развіць увагу, памяць і лагічнае мысленне: «Пары наадварот» (8+), «У народзе кажуць» (8+), «Тлумачалкі» (8+), «Пары па-беларуску» (5+), «Сказаў – як звязаў» (8+).

3. Тэматычныя гульні «Смачна есці» (6+), «Нашы кветкі» (5+), «У кватэры» (5+), якія пашыраць слоўнікавы запас па тэмах, а таксама будуць садзейнічаць развіццю ўвагі і лагічнага мыслення.

4. Гульні пра Беларусь: «Падарожжа па Беларусі» (6+), «Я жыву ў Беларусі» (6+), «На злом галавы» (9+), «Літаратурны клуб» (12+).

З кожнай гульнёй паасобку можна больш падрабязна пазнаёміцца тут.